laash akbar ki jo maqtal se utha laaye hussain
par lahoo seene ka maa se na chupa paaye hussain

yun sajega tera sehra yun lagegi mehndi
ran se kya haathon pe akbar ki racha laaye hussain
laash akbar ki jo....

kaisi ghurbat ki ghadi noore nazar bhi na raha
bekasi roti hai keh keh ke tujhe haaye hussain
laash akbar ki jo....

maa phupi roti hai laashe pe ali akbar ke
kaun hai mere siwa unko jo samjhaye hussain
laash akbar ki jo....

haye peeri may jawan laal tadapta dekha
apne yusuf ko kyun is dasht may le aaye hussain
laash akbar ki jo....

laal zainab ne kiye sadqe ali akbar ke
maut akbar ki talay aur na gham khaaye hussain
laash akbar ki jo....

kya kahe qaside sughra se ke akbar na rahe
bekhabar bete ko kya soch ke ghabraye hussain
laash akbar ki jo....

baap zinda rahe beta ho jahan se ruqsat
kaif jeene may kahan haye na mar jaye hussain
laash akbar ki jo....

shauq e ziarat may ye jeete hai hassan aur ahasan
rashq kismat jo hamay rauze pe bulwaye hussain
laash akbar ki jo....
Noha - Laash Akbar Ki Jo

Shayar: Syed Hassan Abbas
Nohaqan: Ahasan Hussain
(Anjumane Dare Hussain)
Download Mp3
Listen Online