jeeti hai wo maa jiske guzar jaane ke din thay
kya mere jawan laal ke mar jaane ke din thay

thi jo hamare ghar may nishani rasool ki
zainab rida may apne jisay paalti rahi
uth uth ke jisko choomte rehte thay raat bhar
shabbir jee rahe thay jise dekh dekh kar
us chehre kya khaak may bhar jaane ke din thay
kya mere jawan...

pyase ko maar kar bhi na zaalim ne dam liya
sar iska mere saamne usne qalam kiya
aaram thodi dayr bhi paaya na khaak par
phir se shuru hogaya is laal ka safar
bazaar may kab chand sa sar jaane ke din thay
kya mere jawan...

aaya ye jab jahan may phupi ne khushi khushi
azaad ek kaneez thi ki shireen naam ki
aur saath saath ye bhi kaha na fikr kar
baraat leke aaungi is ki mai tere ghar
pahuncha wahan na uske jidhar jaane ke din thay
kya mere jawan...

lag jaye na nazar mere yusuf kamal ko
dekha nazar na bharke kabhi apne laal ko
hai gaysuyon may khaak koi saaf to karo
zainab ki mai kaneez hoo insaf to karo
barchi kahan wo dil utar jaane ke din thay
kya mere jawan...

nazuk badan pe zakhm na aane diya kabhi
maine na usko dhoop may jaane diya kabhi
naize pe sar hai aaj badan jalti rayt par
pardes may ye aake nahi thi mujhe khabar
mehnat ki kamayi yun bikhar jaane ke din thay
kya mere jawan...

wada kiya tha sar pe jo sehra sajaunga
ghabra na sughra mai tujhe lene ko aaunga
dehleej par hai baithi takallum wo gham guzaar
cheh maah se hai usko baradar ka intezaar
pardes se ye laut ke ghar jaane ke din thay
kya mere jawan...
Noha - Kya Mere Jawan
Shayar: Mir Takallum
Nohaqan: Mir Hassan Mir
Download Mp3
Listen Online