kya ghurbat hai ab koi nahi shabbir pe ab tanhai hai
farzand e nabi par ummat ne afsoso qayamt dhayi hai

mazloom pukare ab kis ko akbar bhi nahi abbas nahi
ye doshe nabi ka raakib hai ummat ko magar ehsas nahi
pardesi ek musafir ko taqdeer kahan par laayi hai
kya ghurbat hai...

maqtal hi nahi saara aalam hal min ki sada se goonj utha
na fauj rahi salaar raha shabbir ka wo lashkar na raha
seh roz ke pyase gardan may ye kaisi qayamat aayi hai
kya ghurbat hai...

le aaye hai sarwar mashk o alam pyase pe huwa har zulm o sitam
is aalam e ghurbat may lekin shabbir ko tha is baat ka gham
dam todte bete ne ran may seene pe barchi khaayi hai
kya ghurbat hai...

ek hashr bapa hai maqtal may jibreel ke lab par hai noha
aulad e nabi ke qaimo se aati hai sada e wavaila
shabbir ne haye ghurbat may akbar ki laash uthayi hai
kya ghurbat hai...

ye khoon may tar nanha sa gala nana ko dikhana mehshar may
ab khaak pe sona hai tujhko ye soch ke ran may sarwar ne
hamshakle nabi ke pehlu may baysheer ki qabr banayi hai
kya ghurbat hai...

farzande payambar par ran may nau laak ka lashkar toot pada
afsos hai ab zer e kahnjar hai sibte nabi ka khusk gala
kohram bapa hai maqtal may har simt udaasi chayi hai
kya ghurbat hai...

ye kalmago ne socha nahi hai bose risalat ka ye makeen
rota hai falak kaampi hai zameen hai khoon may tar pyase ki jabeen
ahmed ke nawase ka lutna islam ki ye ruswayi hai
kya ghurbat hai...

is ghalib ko pehchan muhib jo karbobala tak aaya hai
ye baaghe fidak ka ghasib tareekh ne ye samhjaya hai
kal qaatil e mohsin hai jisne qaimo ko aag lagayi hai
kya ghurbat hai...
Noha - Kya Ghurbat Hai

Nohaqan: Sajid Hussain Jafri
Download Mp3
Listen Online