baade hussain dasht may mehshar bapa hua
chane laga har simt se ghan ghor andhera
qaimay jalay ridaye chini haye kya hua
pardes may loota gaya zahra ka gharana
aayi shame ghariban

kya gham ka hai sama, aayi shame ghariban

laashe pe jawan laal ke kehti rahi bano
sehra bhi tera dekh na payi tu chal basa
kya gham ka....
aayi shame....

jalte hue qaimo se jo uth ta raha dhuan
hairan o pareshan tha shabbir ka kunba
kya gham ka....
aayi shame....

laashe ke tukde bikhre paday thay zameen par
pamaal is tarha hua dulhe ka sarapa
kya gham ka....
aayi shame....

bhai ko apne dhoondti thi dashte bala may
haathon may liye pani ke kooze ko sakina
kya gham ka....
aayi shame....

barsa rahe thay jism pe bemaar ke koday
is aalam e ghurbat may kiya shukr ka sajda
kya gham ka....
aayi shame....

ye keh rahi thi shaah ki khwahar labe furaat
abbas dekho sar se meri chingayi rida
kya gham ka....
aayi shame....

naize chubotay jaate thay durre lagate thay
aal e nabi pe hoti rahi raat bhar jafa
kya gham ka....
aayi shame....

ahmed ye shaam roze qayamat se kam nahi
mohsin jo qaid hogaya ahmed ka gharana
kya gham ka....
aayi shame....


Noha - Kya Gham Ka Hai
Shayar: Zulfiqar Ahmed
Nohaqan: Mir Mohsin Ali
Download Mp3
Listen Online