azadaron dua maango koi aise yateem na ho
jaise sakina yateem hui

sham ke zindan may jab sakina ko baba ka sar mila
lipta ke sar ko seene se bachi ne ye kaha
kha gaye sham ke zindan may andhere baba

kisko kehte hai yateemi ye suna tha maine
aap ke baad ye ehsaas hua hai baba
kha gaye sham ke....

aap ke baad yateemi ki saza paayi hai
itni tanha hoo ke saaya hai na parchayi hai
raat ro ro ke guzarti hai to din matam may
qaid khane may yuhin saal kata hai baba
kha gaye sham ke....

zindagi meri dukhon se hai ibarat baba    
kaise qismat ne dihkhayi hai musibat baba
mai jo roti hoo to lagte hai tamachay baba
aap ki yaad may rona bhi saza hai baba
kha gaye sham ke....

ashk aankhon se nikalte hai lahoo kano se
ab darindo se nahi khauf hai insano se
ek majboor yateema par sitam dhaate hai
meri taqdeer may durro ki jafa hai baba
kha gaye sham ke....

aap ki tarha se roothe hai ujaale baba
kaun zindan se ab mujhko nikaale baba
tune maanga tha duaon may khuda se jisko
ab wohi beti hai zindan may jafa reh baba  
kha gaye sham ke....

apne armaan thay ke zindan se mai ghar jaungi
aisa lagta hai yehi ro ro ke marjaungi
ye sitamgaar sakina ko kafan kya denge
kya kafan aap ke laashe ko mila hai baba
kha gaye sham ke....

baba kehte hai ye zindan ke andhere mujhse
maut hi aayegi ab mujhko dilaase dene
meri har saans hi rehti hai sitam ki zad par
aise jeene se to marna hi bhala hai baba
kha gaye sham ke....

zakhm laakhon hai kaleje may dikhaun kaise
mujhpe jo beeth rahi hai wo bataun kaise
pyas lagti hai to peeleti hoo aansu apne
zulm ke durre sakina ki ghiza hai baba      
kha gaye sham ke....

lafz mazhar ne jo likhe hai lahoo rote hai
shadman khaak se yun ashke aza behte hai
aisa lagta hai ke zindan se sada aati hai
aisa nauha meri ghurbat pe likha hai baba
kha gaye sham ke....
Noha - Kha Gaye Sham Ke
Shayar: Mazhar
Nohaqan: Shadman Raza
Download Mp3
Listen Online