karbala se kufe ko jab qaafla jata raha
shahe deen ka naam lab pe baarha aata raha

paaba zanjeer aur galay may tauq e yahan khardaar
ladkhadata thokre khaata chala jaata raha
karbala se...

kaun dekhe sayyede sajjad ka ab haal e zaar
ghash pa ghash har har qadam pe aap ko aata raha
karbala se...

zulf se chehre ko dhampe oonton par saydaniya
lut ke yun ahle haram ka qaafla jaata raha
karbala se...

zainab e muztar ka wo kirdaar e la-fani hussain
go zamane ne mitaya phir bhi yaad aata raha
karbala se...

khoon ke aansu se be-dil aur ghame shabbir se
jab utha naala to dil ko aur bhi tadpata raha
karbala se...
Noha - Karbala Se Kufe Ko

Nohaqan: Ather Mirza (Azadari Murshidabad)
Download Mp3
Listen Online