misle hurr qismat jaga kar dekhna
karbala ek baar jaakar dekhna

qabre akbar keh rahi hai doston
naujawani ki shahadat aisi ho
khud ko yun haq par mita kar dekhna
karbala ek baar....

bachpane ka dost wo sheh ka habeeb
rauzae sheh ki hai darbani naseeb
is tarha wada nibha kar dekhna
karbala ek baar....

seenaye sheh par hai asghar ka maqaam
haye wo mazloom maa ka la         laghaam
dil ke jhoole may jhula kar dekhna
karbala ek baar....

aansuon ke karwan ko saath lo
qalb ke soze neha ko saath lo
tab dua ko haath utha kar dekhna
karbala ek baar....

karbala tatheer wale ka hai ghar
keena o makr o hasd ko chor kar
khud ko tum taahir bana kar dekhna
karbala ek baar....

hajiyon se kehti hai qabre nabi
chahte ho tum agar meri khushi
is tarha haj ko saja kar dekhna
karbala ek baar....

dekhiye abbas e ghazi ka haram
aaj bhi baaqi hai ghazi ka hashm
wo haram nazrein jhuka kar dekhna
karbala ek baar....

aao majid chalke dekhein wo maqam
dard mando ko jo karde shadman
waqt ko taara banakar dekhna
karbala ek baar....
Noha - Karbala Ek Baar Ja Kar
Shayar: Majid Raza Abdi
Nohaqan: Shadman Raza
Download Mp3
Listen Online