zahra ki aa rahi hai sada karbala chalo
abbas peshwa hai mera karbala chalo

dunya ke dard o gham ki dawa karbala may hai
jannat ki khush gawari fiza karbala may hai
kya gham ki ab bhi khake shifa karbala may hai
ab bhi sitamgaron ki khaza karbala may hai
awaaz de rahi hai wafa karbala chalo
zahra ki aa...

zahra ki hai dua ke azadaar kam na ho
sarwar ka gham ho sab pe zamane ke gham na ho
ya rab jahane faani ka gauhar alam na ho
bekaar raaston pe kisi ke khadam na ho
bas ek hi hai raahe khuda karbala chalo
zahra ki aa...

dunya ke zulm o jor batane ke waaste
ghazi ko haal apna sunane ke waaste
zakhme jigar ye sheh ko dikhane ke waaste
karbobala may noha sunane ke waaste
karne baeed ranj o bala karbala chalo
zahra ki aa...

hai rowzaye hussain mera maqsade hayaat
uljhan may din guzarte hai be-chainiyo may raat
wo dekhle jahan pe kate thay jari ke haath
hum jaaye karbala bhi to maa ki dua ke saath
paane ko dard e dil ki dawa karbala chalo
zahra ki aa...

humse milenge aakhri rehbar wahin kahin
hasnain ka suna hai ke ghar hai wahin kahin
rehte hai karbala may payambar wahin kahin
le jaaye kaash humko muqaddar wahin kahin
chup hai masa yehi hai dua karbala chalo
zahra ki aa...

shehre najaf hi shahe najaf ka dayaar hai
gulshan shahe zaman ka wahin la lazaar hai
guncho ke lab pe salle ala baar baar hai
gunchay wahin pe wahin pe jina ki bahaar hai
leni hai gar jina ki khiza karbala chalo
zahra ki aa...

abbas ke alam ko liye dosh par nikal
karbobala hai jaana to paidal najaf se chal
bayyat ko apne paon se tu bhi zara kuchal
sajjad chal rahe thay jahan par sambhal sambhal
zainab ki yaad aaj rida karbala chalo
zahra ki aa...

jab se hui naseeb mubarak ko karbala
aakhein lahoo barasti hai rehan baareha
sarwar ka hai nashayb may rowza bana hua
zainab bhi haye shaam se karti hai ye sada
tanha hai ab bhi bhai mera karbala chalo
Noha - Karbala Chalo
Shayar: Mubarak
Nohaqan: Mir Rehan Abbas
Download Mp3
Listen Online