kahin nahi hai safar may aaram zainab ko
abhi to jaana hai maqtal se sham zainab ko

luta ke apni kamayi jo pahunchi uske huzoor
bacha ke uski khudayi jo pahunchi uske huzoor
khuda ne pesh kiya apna jaam zainab ko
kahin nahi hai...

bala ke sayl may zainab ka bain reh jaye
khuda ka chehra liye ya hussain reh jaye
isi sabab se mila hai dawam zainab ko
kahin nahi hai...

azal abad ke tasalsul hai chahe din ho ke raat
har ek zamane may karna faqad hussain ki baat
nahi hai iske siwa koi kaam zainab ko
kahin nahi hai...

kahe to kis se jo us par guzar gayi haye
usay to kha gayi kufe ki khamoshi haye
magar hila na saka shor e sham zainab ko
kahin nahi hai...

jo dekha sughra to kho diye hawaas tamam
wo poochti bhi to sughra se kaise uska naam
ke khud na yaad raha apna zainab ko
kahin nahi hai...

baraye arz o sama raasta nikalna hai
hudood e waqt se ye kaafila nikalna hai
so de rahe hai qayanat imam zainab ko
kahin nahi hai...

rukhe hussain ko ta-zinda kar diya hai naved
khuda ko usne jo pa-inda kar diya hai naved
ye khoon ka pursa hai yani salam zainab ko
kahin nahi hai...
Noha - Kahin Nahi Hai
Shayar: Naved
Nohaqan: Sajid Hussain Jafri
Download Mp3
Listen Online