khafila dashte bala se jo suye sham chala
laashe abbas e alamdar pe zainab ne kaha
abbas abbas
chin gayi sar se rida koi baakhi na raha
abbas tere jaane ke baad

taane deta hai mujhe dekh ke yun shimr e layeen
teri awaaz pe abbas tera aata nahi
bangayi farshe aza tere liye ab ye zameen
sham jaana hi pada ye sitam mujhpe hua
abbas tere jaane...

roke kulsoom teri yaad may karti hai buka
teri haibat se kabhi siye nahi ahle jafa
kaisi badli ye tere baad zamane ki hawa
khush huwe ahle sitam so nahi paaye jo hum
abbas tere jaane...

raah may aale payambar ka dilasa mai bani
sham ke log tamashayi tamasha mai bani
zakhm sadaat ne paaye to maseeha mai bani
mai hi salaar bani mai alamdar bani
abbas tere jaane...

haye darbar may aale nabi aa pahunchi
aur sakina ko kaneezi may bulaata hai shaki
kissay faryad karoo tu bhi bata mere aqi
aur kya hoga sitam kitne lachaar hai hum
abbas tere jaane...

naam lekar jo sitamgar ne bulaya mujhko
amma fizza ne pasay pusht chupaya mujhko
yun bhi pardes may aada ne sataya mujhko
aise aalam may bhala kisko mai deti sada
abbas tere jaane...

hind zindan may aayi to ye kohraam utha
meri barbadi ka jab hind ne ehwaal suna
apna sar peet ke wo karne lagi wavaila
dekh kaisa hai sitam qaid hai ahle haram
abbas tere jaane...

tauq o zanjeer se sajjad jo azaad huwe
qabr pe bali sakina ke gay rote huwe
rukh suwe karbobala karke yehi bain kiye
seh nahi payi sitam dukhtare shahe umam
abbas tere jaane...

sham se mazhar o farhan rehaai jo mili
aaye maqtal may salami ke liye sab qaidi
ghutniyo chalti hui bhai ke markhad pe gayi
thay ye zainab ke sukhan margayi kyun na bahan
abbas tere jaane...

.


jangal may bhare ghar ko luta aayi hai zainab
ay shehre madina
abid ko kisi tarha bacha laayi hai zainab

na qasim o akbar rahe bhai bhi sidhare
sab hi gaye maare
be gor unhe dasht may chor aayi hai zainab
ay shehre madina
jangal may...

wo shame ghariban ho ya wo sham ka bazaar
abid rahe lachaar
sab zakhm isi qalb may bhar laayi hai zainab
ay shehre madina
jangal may...

kya kya na sitam raah may sadaat ne jhela
mai tujhse kahoo kya
baaghi ki behan sham may kehlayi hai zainab
ay shehre madina
jangal may...

parda jo sikhati rahi wo bibi khule sar
phirti rahi dar dar
bazaaron may darbaron may ho aayi hai zainab
ay shehre madina
jangal may...

aaja tu kaneezi may meri bola sitamgar
ay shah ki dukhtar
ye lamha wohi tha jahan ghabrayi hai zainab
ay shehre madina
jangal may...

zindan may kahin kho gaya bhai ka nageena
masoom sakina
do baaliyan zindan se le aayi hai zainab
ay shehre madina
jangal may...

zindan se reha hoke bhi baakhi hai aseeri
matam kar tu bhi
rassi ke nishan is liye le aayi hai zainab
ay shehre madina
jangal may...

ye zakhm mere qalb ka jeene nahi dega
hai zulm hi aisa
shabbir sare dasht hai ghar aayi hai zainab
ay shehre madina
jangal may...

poochegi yehi fatema sughra abhi mujhse
akbar nahi aaye
dukhiya ke sawalon se hi ghabrayi hai zainab
ay shehre madina
jangal may...
Noha - Jangal May Bhare

Nohaqan: Farhan Ali Waris
Download Mp3
Listen Online