hussain bazm e jahan ko jaga ke soye hai
chiragh e quwwate baatil bujha ke soye hai
sitam ke qasr ko thokar se dha ke soye hai
udoo ke taygh talay muskurake soye hai
hussaina hussaina haye hussain hussaina

noha tha ye zainab e dilgeer ka
koi nahi sar pe raha aasra
waqt tha ye ahle haram pe kada
ghar bhara ujda, chin gayi rida
hussaina hussaina...

dulha ka ran may hua tukde badan
dekh ke roya kiye shahe zaman
ho gaya pamaal sheh ka gulbadan
tukde badan tha, kaun utha-ta
hussaina hussaina...

aun o mohamad jo giray khaak par
raahe haq may ho gaye qurban pisar
pahunchi jo qaime may ye gham ki khabar
maa ne kiya tha, shukr khuda ka
hussaina hussaina...

seene pe akbar ke jab barchi lagi
sakht thi boodhe pidar pe ye ghadi
kaandhay pe leke laashe jawan laal ki
thokare khaata, qaime may pahuncha
hussaina hussaina...

rehm kha cheh maah ka bacha hai ye
bano ka bhi sab ka dulaara hai ye
pyas se gehware may tadpa hai ye
pani mila na, paas tha darya
hussaina hussaina...

nehr pe abbas ke shaane kate
baith gaye shah kamar thaam ke
zainab o kulsum ne naale kiye
ghazi ka laasha, dekh ke roya
hussaina hussaina...

qatl huwe kund churi se hussain
maadar e shabbir ye karti thi bain
kaise mile pyasi sakina ko chain
ahle haram ka, tha yehi nauha
hussaina hussaina...

as-salaam ya hussain as-salaam
roze pe ek roz ho uska qayaam
di'jay najaf ko raza ay imam
ay mere maula, ay mere aaqa
hussaina hussaina...
Noha - Hussaina
Shayar: Syed Najaf
Nohaqan: Talib, Danish, Afridi, Basit & Badshah (Azadari Murshidabad)
Download Mp3
Listen Online