ye farsh e aza sab ke liye hai
zehra ki dua sab ke liye hai

ye farsh e aza farsh e buka karbobala hai
ye khaak e najaf khaak e haram khaak e shifa hai
ye noor e khuda qibla numa arsh e khuda hai
jalne na do nafrat ke diye pyari hawaon
hai ek khuda ek nabi sabko batao
aur kaho labbaik hussain labbaik
ye farsh e aza...
zehra ki dua...

dunya may saf e matam e shabbir bichao
khahish hai ye zehra ki ise bhool na jao
paigham e hussain ibne ali sabko sunao
insan shanasi e azaakhano may aao
ye amn ka paigham hai dunya ko sunao
aur kaho labbaik hussain labbaik
ye farsh e aza...
zehra ki dua...

shabbir ne sikhlayi hai insan shanasi
insan ki hidayat ke liye jaan lutaadi
hai majlis e shabbir isi nuqte ki aadi
allah ki dharti pe na tum khoon bahao
chahat ke shajar phool mohabbat ke khilao
aur kaho labbaik hussain labbaik
ye farsh e aza...
zehra ki dua...

insan ki nigehban azadari e shabbir
momin ka hai emaan azadari e shabbir
rishton ki hai pehchan azadari e shabbir
is dars e mohabbat ko suno aur sunao
abbas e alamdaar ke parcham ko uthao
aur kaho labbaik hussain labbaik
ye farsh e aza...
zehra ki dua...

ye karbobala kya hai ye maqtal nahi maqtab
is maqtabe e aali ki mudarris hui zainab
jis bibi ne mazboot kiya aur bhi mazhab
is bibi ke khutbon ko nisabon mai padhao
in phoolon ko guldaan e aqeedat may sajao
aur kaho labbaik hussain labbaik
ye farsh e aza...
zehra ki dua...

gar shauk e ziyarat hai azakhane may aao
gar amn ki chahat hai azakhane may aao
dehshat se jo nafrat hai azakhane may aao
jannat ki zarurat hai to is gham ko manao
dunya se sitamgaaron ke fitne ko mitao
aur kaho labbaik hussain labbaik
ye farsh e aza...
zehra ki dua...

ye aun o mohamad ali akbar ka hai matam
abbas sakina ali asghar ka hai matam
ye zainab o kulsoom ka hyder ka hai matam
wo dekho safeerane aza aate hai aao
ay sarwar o rehaan chalo noha sunao
aur kaho labbaik hussain labbaik
ye farsh e aza...
zehra ki dua...
Noha - Hussain Labbaik
Shayar: Rehan Azmi
Nohaqan: Nadeem Sarwar
Download Mp3
Listen Online