hussain janam hussain janam

maqtal may khule sar yehi kehti rahi madar
hussain janam....
pyase galay pe chala haye zulm ka khanjar
hussain janam....

sehra e karbala may hua zehra ka nazool
beti ke saath rote huwe aagaye rasool
zehra ka baazu thaame huwe rote hai hyder
hussain janam....

dekho na alamdar raha aur na lashkar
na aun o mohamed rahe na qasim o akbar
ladte huwe laakhon se nazar aaye jo sarwar
hussain janam....

ladte huwe shabbir ne jis dam suni sada
ay nafse mutmain na palat kehta tha khuda
sajde may rakha shah ne sar khaak ke upar
hussain janam....

khanjar ko liye haathon may wo shimr chala hai
pyase galay pe shah ke khanjar ko rakha hai
ye dekh ke roti rahi shabbir ki madar
hussain janam....

kehte thay ke ay shimr ye ahmed ka pisar hai
aur pyas ki shaiddat se jala uska jigar hai
pani usay pilado dua denge payambar
hussain janam....

sar khole huwe fatema karti tahi faryad
sar kaat ke hathon may utha legaya jallaad
zainab ne dare qaima se dekha tha wo manzar
hussain janam....

khoon aasman se barsa udhar karbobala may
aur fathe ki naubat baji wan ahle jafa may
sajjad se kehti thi utho abid e muztar
hussain janam....

sajajd ne tab chaunk ke sar apna uthaya
sar hazrate shabbir ka wan naize pe paaya
kehte thay salam aap pe ay zehra ke dilbar
hussain janam....

farmati thi zehra ke mere yusuf e saani
pyase hi gaye dunya se paaya nahi pani
ab khuld may nana tere denge tujhe kausar
hussain janam....

zehra se ye farmane lagay ahmad e mukhtar
de sabr tujhe fatema ab khaaliq e ghaffar
zibhe azeem bangaya hai ab mera sarwar
hussain janam....

farmate thay ye zehra se ro ro ke murtaza
zaalim ne mere bache ko maara hai be-khata
shabbir ke laashe pe yehi kehte thay hyder
hussain janam....

ye sab ghulam aap ke hai hazrate shabbir
aijaz o aaqif ki badhi is liye taukeer
rote huwe kehte hai jo aakar sare mimbar
hussain janam....
Noha - Hussain Janam

Shayar: Aijaz Rizvi
Nohaqan: Aqif Hussain
(Anjumane Dare Hussain)
Download Mp3
Listen Online