hussain ibne ali ki karo azadari
furaat e ashq e aza hashr tak rahe jaari
hussain ibne ali ki....
falak pe chand nazar aagaya moharram ka
hai soghwaar mahina hussain ke gham ka
khuloos e dil se karo ehtamam matam ka
nabi ki aal se karte raho wafadari
furaat e ashq e aza...
hussain ibne ali ki....
tumhare waaste zehmat uthayi maula ne
ye dukh ye ranj o musibat uthayi maula ne
jawan bete ki mayyat uthayi maula ne
do pursa shah ko ab karke girya aur zaari
furaat e ashq e aza...
hussain ibne ali ki....
bala ke dasht may wo paasban e ahle haram
kata ke shaane bachaya hai deen ka parcham
hum isliye bhi uthate hai ba-wafa ka alam
zamana dekh le be-dast ki alamdari
furaat e ashq e aza...
hussain ibne ali ki....
huwe hai baap ke haathon pe munqalib asghar
lahoo may dooba hua hai ye dard ka manzar
jo teer aake laga bezaban ki gardan par
wo teer wazn may tha bezaban se bhaari
furaat e ashq e aza...
hussain ibne ali ki....
zameen royi hai chashme falak bhi hai purnam
nabi ki aal pe dhaaya gaya wo zulm o sitam
sawar e doshe payambar ka tha khuda ki qasam
usi ki laash ko pamaal karte ha naari
furaat e ashq e aza...
hussain ibne ali ki....
sitam huwe jo haram par bataun mai kaise
gala hussain ka kaata hai jab sitamgar ne
ridayein bibiyon ki chin gayi jalay qaime
tamache khaati thi har dam hussain ki pyari
furaat e ashq e aza...
hussain ibne ali ki....
nigahe haq may ibadat hai majlis o matam
ho daur koi bhi karte raho hussain ka gham
yehi to fatema zehra ki dil ka hai marham
adaye ajre risalat hai sheh ki gham khaari
furaat e ashq e aza...
hussain ibne ali ki....
jo khaar paon may daste hai aur nikalte hai
hai zauf itna ke girte hai aur sambhalte hai
jo raahe sham may sajjad jhuk ke chalte hai
hai tauq bediyon ki is qadar gara bari
hilal nauha ye rehan ne pada aisa
har ek simt hai chaayi gham o alam ki ghata
utha hai majlis e sarwar may shor girya ka
har ek aankh se ashk e aza huwe jaari
furaat e ashq e aza...
hussain ibne ali ki....
|
|
