hogaye haath qalam mashq bachayi na gayi
pyas saqqa se sakina ki bujhayi na gayi

jaane kya kehgaya bhai se alamdar e jari
laash abbas ki sarwar se uthayi na gayi
hogaye haath qalam....

cheen kar nehr ab aaram se sota hai koi
baad marne ke bhi qabze se taraai na gayi
hogaye haath qalam....

haaye re bekasi ye sayyede sajjad e hazeen
laash zindan se sakina ki uthayi na gayi
hogaye haath qalam....

laash andhere may sakina ki thi mohtaj e kafan
shamma tak shaam ke zindan may jalayi na gayi
hogaye haath qalam....

karbala se hai bahot door sakina ka mazaar
aaj tak baap se beti ki judaai na gayi
hogaye haath qalam....

laashe akbar pe ye laila ne kaha ro ro kar
haye qismat teri shaadi bhi rachayi na gayi
hogaye haath qalam....

khatm hai sayyede sajjad pe ye tarze jafa
phir imamat kabhi kanton pe chalayi na gayi
hogaye haath qalam....

baazu e shah may ek teer tha haath uth na sakay
laash asghar ki kaleje se lagayi na gayi
hogaye haath qalam....

rukgaya haath mera haath tak aate hi viqar
mujse abbas ki tasveer banayi na gayi
hogaye haath qalam....
Noha - Hogaye Haath Qalam
Shayar: Viqar Nagri
Nohaqan: Mirza Sikander Ali
Download Mp3
Listen Online