hogaya qatl shahe karbobala wavaila
rote hai peet ke sar ahle aza wavaila

teer se hogaya zakhmi ali akbar ka jigar
umme laila ne kaha laash pe ay noore nazar
maa se kuch baat karo utke zara wavaila
hogaya qatl shahe....

haye jalte huwe sehra may tadap bachon ki
hogaye nehr pe abbas ke bazu zakhmi
koi bachon ka muhafiz na reha wavaila
hogaya qatl shahe....

laash dulhe ki kuch is tarha pamaal hui
umme farwa ne jo dekha to na pehchan saki
haye qasim pe hui kaisi jafa wavaila
hogaya qatl shahe....

kat gaye pyas may phir aun-o-mohamed ke galay
fidya-e raahe khuda hogaye godi ke palay
hogaya qaimo may kohram bapa wavaila
hogaya qatl shahe....

fatema ne baday nazon se jise paala tha
jo payambar ke gharane hi ka ujiyala tha
asre ashoor kata uska gala wavaila
hogaya qatl shahe....

zulm dha-te rahay sajjad pe har waqt layeen
berida dekh ke zainab ko tadapti thi zameen
aasman girya kuna gham se huwa wavaila
hogaya qatl shahe....

jalgaye qaime to saydaniya aayi ban may
laashe jitne bhi thay be-goro kafan thay ran may
chingayi bibiyon ke sar se rida wavaila
hogaya qatl shahe....

ay bober rokh qalam tukde jigar hota hai
sunke noha tera har jin-o-bashr rota hai
chagayi charon taraf gham ki fiza wavaila
hogaya qatl shahe....
Noha - Hogaya Qatl Shahe
Shayar: Mir Bober Ali
Nohaqan: Mir Bober Ali
Download Mp3
Listen Online