maara gaya darya pe jo shedaye sakina
sheh ragh se sada aati rahi haaye sakina

sheh se kaha abbas ne darr hai mujhe aaqa
darya pe kahin roti na aajaye sakina
haaye sakina, haaye sakina

laashe se sada aati thi hum bhi na piyenge
jab tak tumhay pani nahi miljaye sakina
haaye sakina, haaye sakina

kis tarha se dikhlaun tumhay shakl dubara
jab pani hi mashkeeze se beh jaaye sakina
haaye sakina, haaye sakina

majboor hai baazu bhi nahi tum hi batao
kis tarha se ammu tumhay behlaye sakina
haaye sakina, haaye sakina

zainab ne kaha zere alam peet ke sar ko
matam karo maara gaya saqqaye sakina
haaye sakina, haaye sakina

aajaiye yun zowjaye abbas pukari
waali kahin furqat may na marjaye sakina
haaye sakina, haaye sakina

sab chahne walay to anees hogaye maqdood
ruqsaar ke neel ab kisay dikhlaye sakina
haaye sakina, haaye sakina
Noha - Haye Sakina
Shayar: Anees
Nohaqan: Nasir Zaidi
Download Mp3
Listen Online