hai sham zulm ki lekin sehr hai asghar ki
rukhe hussain pe tehri nazar hai asghar ki

uthayi turbate asghar ki khaak ek bibi
udhar chali hai sakina jidhar hai asghar ki
hai sham zulm ki....

guzarne walon se zindan e sham may ek maa
ye poochti hai tumhay kuch khabar hai asghar ki
hai sham zulm ki....

hai teer uske galay par jo shaam se pehle
to baad shaam behan khoon may tar hai asghar ki
hai sham zulm ki....

sakina karti hai maa se ye baar baar ek sawaal
andhere ban may kahan shab basar hai asghar ki
hai sham zulm ki....

yahin se khafela subho sham guzrega
ye dashte karbobala raah guzar hai asghar ki
hai sham zulm ki....

yazeeiyat ko yun paband kar gaya baysheer
kidhar se jaaye har ek raah guzar hai asghar ki
hai sham zulm ki....

gulu ke khoon se likha inquilaab tab kisne
kisi ke bas ki nahi baat sipar hai asghar ki
hai sham zulm ki....

wo muskuraya to rotay hai yasir o abid
kiya ye kisne haseebe asar hai asghar ki
hai sham zulm ki....
Noha - Hai Sham Zulm Ki

Shayar: Syed Abid Zaidi
Nohaqan: Yaser Abbas
(Anjumane Dare Hussain)
Download Mp3
Listen Online