sheh ne kaha bete se utho akbar jawan
uthjao do azan allahu akbar allahu akbar

goonj uthi allahu akbar ki sada maidan may
hashr barpa ho gaya hai ya khuda maidan may

aakhri hai aaj hamshakle payambar ki azan
ab fizayein sun na payegi ye akbar ki azan
rehgaya hil kar dile shahe huda maidan may
goonj uthi allahu akbar....

saath bete ko liye shabbir qaime may gaye
ruqsate akbar hai bole shahe deen rote huwe
bibiyon ghar lutgaya akbar chala maidan may
goonj uthi allahu akbar....

pakde hai daaman koi to thaame shana hai koi
ja raha hai ghar se akbar ya janaza hai koi
sabki khwahish hai na jaye mahelaqa maidan may
goonj uthi allahu akbar....

ye hai jiska laal wo hai fatema zehra ka laal
kuch to karlo sibte payambar ki ghurbat ka khayal
kalma goyo hai shabihe mustafa maidan may
goonj uthi allahu akbar....

shor maqtal may uthalo chal gaya barchi ka waar
hogaya hai asl may naiza dil e laila ka paar
kab faqat ek qalb akbar ka chida maidan may
goonj uthi allahu akbar....

kha raha hai ran may akbar thokare boodha padar
hai andhera uski ankhon may nahi aata nazar
kis taraf aaye bata baba tera maidan may
goonj uthi allahu akbar....

shah ne akbar ke seene se sina to khaynch li
jism kya larza zameene karbala hilne lagi
baap ke hathon pe beta margaya maidan may
goonj uthi allahu akbar....

kyun shaja'at aur ahasan ho na ab noha kuna
dekh paayegi na chashme dehre akbar sa jawan
aagayi hai ye jawani ko qaza maidan may
goonj uthi allahu akbar....
Noha - Goonj Uthi Allahu

Shayar: Shaja'at
Nohaqan: Ahasan Hussain
(Anjumane Dare Hussain)
Download Mp3
Listen Online