ghar hogaya nabi ka barbad karbala may
mardon may bas bachay hai sajjad karbala may
abbas hai na akbar zainab tujhe pukaare
maqtal may bujh gaye hai ghar ke chiraag saare
ranj o alam se dil hai abaad karbala may
ghar hogaya nabi ka...
zainab ne kaise dil may is dard ko chupaya
kis darja saabira thi aansu na ek bahaya
bhai pe kar ke sadqe aulaad karbala may
ghar hogaya nabi ka...
zainab ko karbala may kitne ghamon ne loota
saydaniyon ke zewar na mehramon ne loota
kya kya na guzri haye bedaad karbala may
ghar hogaya nabi ka...
sab cheente thay zaalim bewon ke chadaron ko
hasrat se dekhti thi ahbaab ke saron ko
koi na tha jo sunta faryaad karbala may
ghar hogaya nabi ka...
maon ki godiyan bhi ran may ujad gayi hai
sehra may waarison se apne bichad gayi hai
bas rehgayi hai baakhi ekraar karbala may
ghar hogaya nabi ka...
baad e hussain aksar zainab ka tha ye noha
abbas hai na qasim kis ko bulaun baba
aajao tum hi dehre imdaad karbala may
ghar hogaya nabi ka...
|
|
