galiyon may teri ay shaam kaanto pe chale sajjad
tanhai se rote thay mil mil ke galay sajjad
baithe thay tamsahaii darbar sajaya tha
bemaar ki ghairat ne sar apna jhukaya tha
zaalim ne kaha ruk jab zainab ka taraya tha
khamosh thay bas gham ke saagar may dhale sajjad
galiyon may teri...
zaalim ne kaneezi may maanga tha sakina ko
is baat se sadma tha is darja yateema ko
bas yaas se tak'ti thi darbar may bhaiya ko
kaise na tadap kar phir haathon ko malay sajjad
galiyon may teri...
pardes se laute thay jab lutke madine may
doobi hui dunya thi ashkon ke safeene may
wo ranj o masayab thay kab lutf tha jeene may
baithe rahe din din bhar suraj ke talay sajjad
galiyon may teri...
yaad aate thay ghurbat may sab ahle watan apne
murjhaye thay maqtal may jab ghuncha-dahan apne
baba ko na de paaya afsos kafan apne
kehte thay azeezon se mil mil ke galay sajjad
galiyon may teri...
hargiz na sakina ne armaan e watan chora
bhai se yateema ne is haal may moo moda
ro ro ke aziyat se zindaan may dam toda
armaan sakina ke na phoole phalay sajjad
galiyon may teri...
naize pa sar e sarwar khud ashk bahata tha
aur raah may ghash par ghash bemaar ko aata tha
jab aag lagi durre abid pa na baata tha
takte thay chacha ka sar naazon se palay sajjad
galiyon may teri...
mat poochiye akhtar se kya guzri sakina par
saadat ka kis dil se aada ne jalaya ghar
sar peet ke karta hai irfan dua aksar
aise kisi bachi ka daaman na jale sajjad
galiyon may teri...
|
|
