ghareebe zehra ke naukar ye aashikane aza
raahe wafa pe chale hai musafirane aza
dua e fatema zehra ke saayeban ki tarha
chala hai jaanibe manzil ye karwan e aza
salaam zairan e hussain
salaam aashikan e hussain
safare ishqe hussain
hussainiyo tumhe karbobala bulaati hai
safare ishq par chalo saath mere hussainiyo
sunnate bibi zainab ko poora karo
halmin ki sada par labbaik kaho labbaika ya hussain
rasme sajjad poori karo
karbala ke shaheedon ka chehlum karo karbala may
zairaane hussain karbala ka ye gham
dil may zinda rahe ek pal na ho kam
saal bhar majlise ho aur rahe aankh nam
baad e ashoor haathon may lekar alam
khaafela ek tarteeb do
karbala ke shaheedon ka chehlum karo karbala may
jiski chadar ko tum roye ho umr bhar
jis ka ek roz may lut gaya saara ghar
apni marqad may kehti hai wo nauhagar
mai bhi jaati hum tum bhi karo ye safar
hukm e zainab ki takmeel ho
karbala ke shaheedon ka chehlum karo karbala may
sabr ka wo khuda yani zainul liba
pahan kar bediyan khoon rota raha
karbala se suye shaam paidal gaya
chuth ke zindan se phir suye karbala
jis tarha wo chala tum chalo
karbala ke shaheedon ka chehlum karo karbala may
baap ki yaad may dil jalaati hai wo
qaid khane may gham yun manati hai wo
apne baba ko ab bhi bulaati hai wo
karne chehlum suye dasht jaati hai wo
gar sakina ke gham-khwar ho
karbala ke shaheedon ka chehlum karo karbala may
hai safar ishq ka ek musalsal safar
qariya qariya safar sehra jangal safar
sakht garmi ho din raat paidal safar
karbala tak najaf se wo paidal safar
mere hum raah tum bhi karo
karbala ke shaheedon ka chehlum karo karbala may
door hogi thakan us ghadi ahle gham
karbala may rakhoge jo pehla qadam
hogi pesh e nazar qabre shah e umam
ek maa ki fughan sunke royenge ham
mere zakhmon ka marham bano
karbala ke shaheedon ka chehlum karo karbala may
aashiqane hussain ishq emaan hai
ishq ka ye safar dil hai aur jaan hai
haan ye irfan o mazhar ka elaan hai
binte zehra ka zehra ka armaan hai
unka armaan pura karo
karbala ke shaheedon ka chehlum karo karbala may
|
|
