ahle haram ko koofi o shaami satate hai
mushkil kusha ke potay ko qaidi banate hai
koofa wohi hai jiske ali hukmran rahe
unhi ki betiyon ko khule sar phirate hai
ahle haram ko...
mushkil kusha ke...

chashme sajjad ne har dard ka manzar dekha
noke naiza pe sare sibte payambar dekha

khoon rone lagi sajjad ki aankhein payham
jab se maa behno ko balwe may khule sar dekha
chashme sajjad ne...

maarte thay jo sakina ko tamache aada
jaane kis dil se ye bemaar ne manzar dekha
chashme sajjad ne...

neele ruqsaar thay aur kaano se behta tha lahoo
dukhtare shah pa ye jor-e-sitamgar dekha
chashme sajjad ne...

dil pa kya guzri sakina ke khuda hi jaane
tasht par baap ka rakha hua jab sar dekha
chashme sajjad ne...

kaise zainab ne bhala dil ko sambhala hoga
halq par bhai ke jab shimr ka khanjar dekha
chashme sajjad ne...

ek barchi si kaleje may lagi ashk bahay
maa ne jis dam ali akbar ka kata sar dekha
chashme sajjad ne...

sar barehna jinhe dekhi na kabhi chashme falak
unko bazaaron may be-maqna o chadar dekha
chashme sajjad ne...

ye sawaal aaj bhi khursheed se karta hai hilal
tune kin aankhon se sheh ko tahe khanjar dekha
chashme sajjad ne...
Noha - Chashme Sajjad Ne
Shayar: Hilal Mirza
Nohaqan: Mir Rehan Abbas
Download Mp3
Listen Online