bhare darbar may zainab ne sada di ghazi
teri khwahar ko kisi ne na rida di ghazi
bhare darbar may...
karbala kya thi hai kya shaam ye mujhse poocho
sakhti har deesh e ayyam ye mujhse poocho
sola sau meel ne dunya hi mita di ghazi
bhare darbar may...
haye baaghi ki behan kehke bulaaya mujhko
kya bataun tujhe kis tarha sataya mujhko
yun mohamed ki nawasi ko saza di ghazi
bhare darbar may...
aansuon ne likhi tehreer jale daaman par
dard hote gaye tasveer jale daaman par
aisi haalat hai sakina ki bana di ghazi
bhare darbar may...
dekha jab khoon may tar fatema jaaya maine
bhai ki laash pe tha khud ko giraya maine
maine allah ko ya tujhko sada di ghazi
bhare darbar may...
tez khanjar se kahin tez hai nazron ki chuban
ab nishan daal chuki meri kalayi may rasan
aane jaane ki na thi behan ye aadi ghazi
bhare darbar may...
saikdon kursi nasheen baithe hai darbar may dekh
teri khwahar hai ghiri majmaye aghyaar may dekh
karbala shamiyon ne sham may laa di ghazi
bhare darbar may...
ghair ki nazron se zainab ko chupane ke liye
apni maajayi ka parda banane ke liye
nauke naiza se kehef sar ne sunaadi ghazi
bhare darbar may...
maaf karna hai unhe ahasan wo abid hai kahan
kal haqeeqat may dhale aaj hai dono ka gumaan
kaash ho hashr may ek ye bhi manadi ghazi
bhare darbar may...
|
|
