rehgayi dasht may tanha to watan yaad aaya
pani paaya to har ek tashna dahan yaad aaya
leke har cheez madine se chali thi zainab
laash par bhai ke pahunchi to kafan yaad aaya

shabbir teri ghurbat ki qasam mai laash teri dafna deti
gar sar pe mere chadar hoti mai tujhko kafan pehna deti

shabbir ye des paraya hai warna mai tumhari mayyat par
ambaar lagati kaliyon ke phoolon ki meeh barsa deti

shabbir tumhay maloom to hai mere haath bandhe hai gardan se
gar haath mere jo khule hote mai laash watan pahuncha deti

shabbir ye tumne acha kiya kaabe se nikal aaye warna
ye ummat wamo ke badle may kaabe ko aag laga deti

kausar ye kisay haq haasil hai tehreer nabi ki chaak kare
ummat ko agar manzoor na tha zehra ko sanad lauta deti

behan ghareeb hai bhaiya kafan bhi la na saki
ay bhai ahle sitam se tujhe bacha na saki

wo jiski shadi ka arman tha mujhe bhaiya
mai aisi ujdi ke dulha usay bana na saki
behan ghareeb hai....

kaha rubab ne rokar ye pyase asghar se
mujhe ye gham hai ke pani yujhe pila na saki
behan ghareeb hai....

ay bhai sham e ghariban ke ghup andhere may
tumhari bali sakina ko neend aa na saki
behan ghareeb hai....

dafan tamam shaheedo ke hogaye laashe
mai apne bhai ki turbat magar bana na saki
behan ghareeb hai....

ghareeb bhai ka matam na kar saki zainab
tumhari laash pe aansoo bhi mai baha na saki
behan ghareeb hai....

jalaya aag ne daman ko is tarha bhaiya
tumhari beti sakina usay bujha na saki
behan ghareeb hai....

yazeediyat ne to chaha hussainiyat na rahe
ghame hussain ko dunya mohib mita na saki
behan ghareeb hai....
Noha - Behan Ghareeb Hai
Shayar: Mohib
Nohaqan: Sajid Hussain Jafri
Download Mp3
Listen Online