be aab karbala may jo bano ka phool hai
bete ka haal dekh ke maa dil malool hai
be aab karbala may...

seh roz ki hai pyas to ghash may sagheer hai
is bekasi pe chaak gireban batool hai
be aab karbala may...

hal min ka naara sunte hi jhoole se gir pade
farmaya ab hussain ke nusrat usool hai
be aab karbala may...

boli rabab baap ki banjaiyo sipar
asghar tu mera laal wo ibne batool hai
be aab karbala may...

sheh ki aba ke saaye may ran ko chala sagheer
tewar ye keh rahe thay ye lashkar fazool hai
be aab karbala may...

bole hussain pyasa hai ye mera gul badan
pani pilado isko ye jaane batool hai
be aab karbala may...

pyasi zuban dekho ye asghar se bole shah
hujjat tamam kardo jo deen ka usool hai
be aab karbala may...

sookhi zaban dekh ke rone lage adoo
manzar ye ibne saad ko kyunkar qabool hai
be aab karbala may...

ay hurmala ye soch nishane pe kaun hai
kamsin hai be-zuban hai ye aale rasool hai
be aab karbala may...

nauha suna to khuld se zehra ne di sada
qasim dare hussain ka ye pursa qabool hai
be aab karbala may...

kirtaas pe masayibe asghar jo aagaye
aijaz dil ke saath qalam bhi malool hai
be aab karbala may...
Noha - Be Aab Karbala May

Shayar: Aijaz Rizvi
Nohaqan: Anjumane Dare Hussain
Download Mp3
Listen Online