ek zaayire sham se jab aaya tha uske labaon par noha
poocha jo kisi ne ay zaayir kya tune wahan par dekha
bola rokar haye mat poocho
phat-ta hai jigar haye mat poocho
bazaare sham se aaya hoo

us shehr e sitamgar may ab tak be-ghairat log hi baste hai
kal ahle haram par haste thay ab ahle aza par haste hai
haye mat poocho, haye mat poocho
kya manzar mai dekh aay hoo
bazaare sham se...

un raahon ko bhi dekha hai sadaat jahan thay be-chadar
hay ahle haram pabande rasan aur unpe baraste thay pathar
haye mat poocho, haye mat poocho
kya zakhm jigar laaya hoo
bazaare sham se...

chauda sau baras guzre lekin wo aaj bhi reet nibhaate hai
bazaaar sajaye jaate thay bazaar sajaye jaate hai
haye mat poocho, haye mat poocho
wo galiyan mai dekh aaya hoo
bazaare sham se...

apne ajdaad ki rasmo ko wo ahle shaam nahi bhoolay
kal bhi thay tamashayi zaalim ab tak wo log nahi badle
haye mat poocho, haye mat poocho
ye dard wahan laaya hoo
bazaare sham se...

bazaar ke raste dekhe to sajjad ka rona yaad aaya
haste huve chehre dekhe to sajjad ka rona yaad aaya
haye mat poocho, haye mat poocho
kya yaad wahan se laaya hoo
bazaare sham se...

un sham ki galiyon may kaise abbas ki khwahar aayi thi
haathon may rasan thi zainab ke aur haye khulay sar aayi thi
haye mat poocho, haye mat poocho
ye soch ke mai thar-raya hoo
bazaare sham se...

dil khoon ke aansoo rota tha sajjad ka un bazaaron may
be parda haram ki haalat par haste thay sharabi raahon may
haye mat poocho, haye mat poocho
dil may ye dard basaya hoo
bazaare sham se...

ye soch ke dil phat jaata hai sajjad pe kya guzri hogi
baabe saa'at par rukh kar aulaad e payambar roti thi
haye mat poocho, haye mat poocho
kaise zinda laut aaya hoo
bazaare sham se...

mai sham ke un bazaaro se ye zakhm e jigar laaya mazhar
tum poochte ho tehreer may kya roodade safar laaya safdar
haye mat poocho, haye mat poocho
nauha ye zubaan par laaya hoo
bazaare sham se...
Noha - Bazare Sham Se Aaya
Shayar: Mazhar Abdi
Nohaqan: Safdar Abbas
Download Mp3
Listen Online