ye jo itrat se mohabbat hai zamane walon
bas yehi ajre risalat hai zamane walon

ye azadari ye giryae hamra matam
ye to bid-dat nahi ulfat hai zamane walon
bas yehi ajre....

hashr tak mit nahi sakta shahe mazloom ka gham
isko tauheed se nizbat hai zamane walon
bas yehi ajre....

hotay karbal may to hum apne galay katwatay
ab bhi dil may yehi hasrat hai zamane walon
bas yehi ajre....

hum bahate lahoo apna ghame sarwar may
humko andazaye nusrat hai zamane walon
bas yehi ajre....

apne seene pe sulaate thay mohamed jisko
us nawase ki shahadat hai zamane walon
bas yehi ajre....

khoon matam may bahana hai daleele ulfat
ghame shaabbir ibadat hai zamane walon
bas yehi ajre....

jisko emaan ka sarmaya samajhta hai ghulam
ghame shabbir wo daulat hai zamane walon
bas yehi ajre....
Noha - Bas Yehi Ajre Risalat
Shayar: Ghulam Abbas
Nohaqan: Mir Bober Ali
Download Mp3
Listen Online