kehti thi sakina na uthay baap ka saaya
bachon ke sada sar pe rahe baap ka saaya

dunya may yehi unko badi naymate rab hai
jeete hai saro par ko liye baap ka saaya
kehti thi sakina....

khaati na tamache na kabhi chinte ye gowhar
uth-ta na agar sar se mere baap ka saaya
kehti thi sakina....

kuch kam nahi hai unke liye lutfe zindagi
wo khush naseeb jinhe milay baap ka saaya
kehti thi sakina....

mayoosi zindagi may lagi rehti hai sada
aulaad ke sar jo hatay baap ka saaya
kehti thi sakina....

jab tak mere baba thay koi gham na mujhe tha
jeeti rahi be-khauf liye baap ka saaya
kehti thi sakina....

sehti na sitam is tarha ashoor se ab tak
hota jo agar sar pe mere baap ka saaya
kehti thi sakina....

tujhko kahan kami thi kisi cheez ki bober
jab tak ke raha sar pe tere baap ka saaya
kehti thi sakina....
Noha - Baap Ka Saaya
Shayar: Mir Bober Ali
Nohaqan: Mir Bober Ali
Download Mp3
Listen Online