har ek jaanib udasi hai, aza ki rooh pyasi hai
fazaon may lahoo ki phir wohi manoos khushboo hai
bapa hai dhadkano may tashnagane karbala ki pyas ka matam
najane phir kisay ye ruth mayassar ho
so ashkon ke areezo se alam ki chaon may aakar
wafa ke ahed ki tajdeed karlijay
ke ye mausam wafadari ka mausam hai
azadari ka mausam hai
azadari ka....

sare farshe aza aao azadari ka mausam hai
lahoo aankhon se barsao azadari ka mausam hai

utho ishqe ali walon tumhay manzil bulaati hai
suno karbobala walon sada hal min ki aati hai
sare maqtal chale aao azadari ka mausam hai
sare farshe aza aao....

hateli par dhara hai sar badan sayyar rakha hai
yahan har fard e millat ne kafan tayyar rakha hai
adoo ko jaake batlao azadari ka mausam hai
sare farshe aza aao....

bayan de zakhm may mashkeeza abhi rota hai ye pani
abhi maujon ke seene may chupi hai ek tughyani
ay dunya bhar ke daryaon azadari ka mausam hai
sare farshe aza aao....

kathin halaat hai aise ke ab jeena musibat hai
ghutan aisi hai ay humdam ke dum lena ghaneemat hai
alam ghazi ka lehrao azadari ka mausam hai
sare farshe aza aao....

binaye aale ahmed par khuda tumko jazaaye de
nikharo aise aulaade ke zehra bhi duayein de
hussaini khaum ki maaon azadari ka mausam hai
sare farshe aza aao....

kaha shabbir ne maa ki tarha darbaar jaogi
na dogi baddua tum jab sare bazaar jaogi
qasam zainab meri khao azadari ka mausam hai
sare farshe aza aao....

uthake nanhe haathon ko duayein deke jaati hai
sakina karbala walon ka pursa lene aati hai
azakhano ko mehkao azadari ka mausam hai
sare farshe aza aao....

yehi shame ghariban hai jalay qaime hai ghurbat hai
gareban chaak kar dalo ke zainab par musibat hai
hawaon baal bikhrao azadari ka mausam hai
sare farshe aza aao....

kabhi rizwan hum hotay hai jo halaat se muztar
hawaye parchame abbas kehti hai suno mazhar
mere saaye may aajao azadari ka mausam hai
sare farshe aza aao....
Noha - Azadari Ka Mausam
Shayar: Mazhar
Nohaqan: Rizwan Zaidi
Download Mp3
Listen Online