azadaro soghwaro rone walo pursadaro
ay zaairo qadam ko rakho dekh baal kar
kis kis ka khoon baha hai na jaane kahan kahan
ay zaairo qadam...
halq e sagheer teer se jab zakhmi ho gayi
sehra e karbala may bahi khoon ki nadi
aur mayyat liye hussain bhi tadpe hai kis qadar
kis kis ka khoon...
ay zaairo qadam...
ek naujawan tha jiska jigar chalni ho gaya
kitna badan may khoon tha akbar ka beh gaya
thi shakle mustafa ke lahoo se zameen tar
kis kis ka khoon...
ay zaairo qadam...
mayyat jawan pisar ki liye jab chale hussain
phir naujawan ki laash liye gir pade hussain
seene may phat na jaye kahin shah ka jigar
kis kis ka khoon...
ay zaairo qadam...
farwa ke ek chand ko aisa grehan laga
maqtal may jiske jism ka tukda hai ja ba ja
dhalta hai khaak o khoon se shabbar tera pisar
kis kis ka khoon...
ay zaairo qadam...
reti pe khoon hai ab bhi sayeed o zohair ka
hai ja ba ja habib ka hurr ka burair ka
har jism tha zameen pe naizon pe sab ke sar
kis kis ka khoon...
ay zaairo qadam...
is sar zameen pe khoon hai mohamed ke aun ke
is sar zameen pe khoon ke katre hai jaun ke
arz e bala may ahle falak bolay aan kar
kis kis ka khoon...
ay zaairo qadam...
ashoor ko hussain ka chalna muhaal tha
maqtal ka waqt asr tha zahra ka laal tha
roya kiye hussain yehi soch soch kar
kis kis ka khoon...
ay zaairo qadam...
jab sibte mustafa ke galay par churi chali
zainab khadi hai ye samaa dekhti rahi
behre madad bulaati kise haye nauhagar
kis kis ka khoon...
ay zaairo qadam...
har laash ran may ghodon se pamaal ho gayi
ashoor ko ye arz e bala laal ho gayi
sajjad bhi pukaar uthe ghash se chaunk kar
kis kis ka khoon...
ay zaairo qadam...
nauha raqam ho kis tarha ay arze karbala
rehan ke bayan pe mubarak ne ki buka
hum karbala pahunch ke pukaare ba chashme tar
labbaik ya hussain
|
|
