ہچکیاں لیتے تھے علی اکبر اُمِّ لیلیٰ یہ بین کرتی تھی
پوشاک اُڑھالوں کے میں ارمان نکالوں
اے موت ٹھہر جا اے موت ٹھہر جا
میں اپنے جوان لال کو دولہا تو بنا لوں
اے موت ۔۔۔۔۔

اس لال کو میں کیسے کروں تیرے حوالے
یہ چاند تو دیتا ہے زمانے کو اُجالے
اس چاند کی پوشاک ستاروں سے سجا لوں
اے موت ۔۔۔۔۔

اٹھارہ برس پھولوں کی طرح جسے پالا
جاتا ہے مجھے چھوڑ کے وہ گیسوئوں والا
اب تُو ہی بتا کیسے میں اس دل کو سنبھالوں
اے موت ۔۔۔۔۔

دیکھے تھے بہت خواب مگر خاک ہوئے سب
اس بیٹے کے سہرے کی دُعا کرتی تھی زینب
دولہا نہ سہی میں اسے دولہا نہ بنا لوں
اے موت ۔۔۔۔۔

ہر شام جسے لگتی ہے اب شام ِ غریباں
جو کہتی تھی اکبر کی دولہن لائوں گی اماں
اُس فاطمہ صغریٰ کو مدینے سے بُلا لوں
اے موت ۔۔۔۔۔

خیمے سے ذرا دُور کھڑے روتے ہیں سرور
اک ہاتھ کلیجے پہ ہے اک ہاتھ کمر پر
میں خود کو سنبھالوں کے شاہِ دیں کو سنبھالوں
اے موت ۔۔۔۔۔

یہ کس کی نظر کھا گئی اس نورِ نظر کو
ویران کیئے جاتے ہیں اکبر میرے گھر کو
جی کرتا ہے اس چاند کو دُنیا سے چھُپا لوں
اے موت ۔۔۔۔۔

زینب کے لبوں پر ہے بُقا ہائے مقدر
کیا سہرا چڑھائوں میں تیری لاش پہ اکبر
اور خود کو تیری لاش پہ صدقے ہی اُتاروں
اے موت ۔۔۔۔۔

مہندی نہ لگی ہاتھوں میں ہے خون بدن کا
پوشاک ِ شاہانی کو ملا داغ کفن کا
اس لاش پہ اٹھارویں منت کو بڑھا لوں
اے موت ۔۔۔۔۔

تقدیر کسی ماں کو یہ منظر نہ دیکھائے
میت پہ جواں لال کے وہ اشک بہائے
جی بھر کے اسے دیکھ لوں اور اشک بہائوں
اے موت ۔۔۔۔۔

فریاد ذرا سُن لے سکینہ کی زبانی
مرجائوں گی بچھڑا جو میرا یوسف ِ ثانی
بھّیا میرے ناراض ہیں میں اُن کو منا لوں
اے موت ۔۔۔۔۔

ماں روتی رہی مظہر و عرفان تڑپ کر
اور آ خری ہچکی میں سفر کر گئے اکبر
ماں کہتی رہی میں اسے دولہا تو بنا لوں
اے موت ۔۔۔۔۔


hichkiyan lete thay ali akbar umme laila ye bain karti thi
poshaak udhaloon ke mai armaan nikaloon
ay maut teher jaa ay maut teher jaa
mai apne jawan laal ko dulha to bana loon
ay maut ...........

is laal ko mai kaise karoon tere hawale
ye chand to deta hai zamane ko ujale
is chand ki poshaak sitaron se sajaloon
ay maut ...........

athara baras phoolon ki tarha jise paala
jaata hai mujhe chod ke wo gesuon wala
ab tu hi bata kaise mai is dil ko sambhaloon
ay maut ...........

dekhe thay bahut khaab magar khaak hue sab
is bete ke sehre ki dua karti thi zainab
dulah na sahi mai ise dulah sa banaloon
ay maut ...........

har shaam jise lagti hai ab shame gharibaan
jo kehti thi akbar ki dulhan laaungi amma
us fatima sughra ko madine se bulaloon
ay maut ...........

qaime se zara door khade rote hai sarwar
ek haat kalaje pe hai ek haat kamar par
mai khud ko sambhaloon ke shahe deen ko sambhaloon
ay maut ...........

ye kiski nazar kha gayi is noore nazar ko
veeran kiye jaate hai akbar mere ghar ko
jee karta hai is chaand ko dunya se chupaloon
ay maut ...........

zainab ke labon par hai buka haaye muqaddar
kya sehra chadhaun mai teri lash pe akbar
aur khud ko teri laash pe sadqe hi utaroon
ay maut ...........

mehendi na lagi haaton may hai khoon badan ka
pooshak-e-shahani ko mila daag kafan ka
is laash pe athaarveen mannat ko badhaloon
ay maut ...........

taqdeer kisi maa ko ye manzar na dikhaaye
maiyat pe jawaan laal ke wo ashq bahaaye
jee bhar ke ise dekhloon aur ashq bahaun
ay maut ...........

faryaad zara sunle sakina ki zubaani
marjaungi bichda jo mera yousuf-e-saani
bhaiya mere naraaz hai mai unko manaloon
ay maut ...........

maa roti rahi mazhar-o-irfan tadapkar
aur aakhri hichki may safar kargaye akbar
maa kehti rahi mai ise dulah to banaloon
ay maut ...........
Noha - Ay Maut Teher Ja
Shayar: Mazhar
Nohaqan: Irfan Haider
Download Mp3
Listen Online