karti hai bayan umme laila ay laal ali akbar ho kahan
sadme se jigar phat-ta hai mera ay laal ali akbar ho kahan

wo zakhm laga tujhko dilbar seene se nazar aata hai jigar
chalta hai mere dil par khanjar ay laal ali akbar ho kahan
karti hai bayan...

armano ki basti khaak hui tasveer e tamanna chaak hui
khwabon ka tasalsul toot gaya ay laal ali akbar ho kahan
karti hai bayan...

hamraah nahi koi is dam behaal hai gham se shahe umam
aankhon may andhera hai chaaya ay laal ali akbar ho kahan
karti hai bayan...

dekho to qayamat ka manzar hai sheh ka gala zer e khanjar
hai shimr e layeen seene pe chada ay laal ali akbar ho kahan
karti hai bayan...

kurta bhi hai saara khoon may tar aur cheene gaye kano se gowhar
dekho to behan ka haal zara ay laal ali akbar ho kahan
karti hai bayan...

asbaab bhi saare lut-thay hai qaime bhi hamare jalte hai
chinti hai hamare sar se rida ay laal ali akbar ho kahan
karti hai bayan...

kin aankhon se dekhoo ye manzar hai noke sina par tera sar
be-gor o kafan laasha hai pada ay laal ali akbar ho kahan
karti hai bayan...

har lamha hai aazaron may hai ahle haram baazaron may
hamdard koi baakhi na raha ay laal ali akbar ho kahan
karti hai bayan...

dil se na gaya akbar ka khayaal aur maa ka tha aalam ye hilal
ta umr ye lab par tha noha ay laal ali akbar ho kahan
karti hai bayan...
Noha - Ay Laal Ali Akbar
Shayar: Hilal Mirza
Nohaqan: Mir Rehan Abbas
Download Mp3
Listen Online