aun o mohamed to gaye maare
ghar may diya maa kaise jalaye
gham ki hai shiddat aahe bhare wo
sar ko wo peete khaak udhaaye
aun o mohamed...
hai wohi galiyan ghar bhi wohi hai
hujro may lekin khaak jami hai
jab nahi mumkin beton ka aana
kaise dua ko haath uthaye
aun o mohamed...
bibi batayein jo bhi pata hai
beton ka baba pooch raha hai
kuch nahi kehti chup hai zuban par
baithi hai zainab sar ko jhukaye
aun o mohamed...
nana ki turbat par bhi hai jaana
haal e sakina bhi hai sunana
baaliyan uski khoon may doobi
unko dikhaye ya na dikhaye
aun o mohamed...
ahed nibha kar dil ko sukoon hai
baat alag ye aankhon may khoon hai
soch ke itna ghar se thi nikli
bete gawaye bhai bachaye
aun o mohamed...
zehn may kitni baat hai unki
ja ba ja ghar may yaad hai unki
sehn may kadmon ke jo nishan hai
maa hai apni har nazr jamaye
aun o mohamed...
dil ke sabr maa aaj dhuan hai
siskiyan bas ab virde zuban hai
aun o mohamed dashte bala may
yaad hai isko khoon may nahaye
aun o mohamed...
baad rehayi hashr siwa tha
saamne wohi dashte bala tha
laashe thay be-sar khoon may nahaye
dono ke tan se sar thay milaye
aun o mohamed...
abid o yasir uski ata hai
noha likha hai noha padha hai
ye bhi hai mumkin iske hi sadqe
tumko wo bibi dar pe bulaaye
aun o mohamed...
|
|
