abid se jab watan may kisi ne kiya kalaam
guzre kalak zyada kahan tumpe ya imam
abid ne teen baar kaha shaam shaam shaam

as-sham as-sham as-sham kaha
bazaar may jaana yaad raha

pabande rasan beparda haram
bazaar may aayi na bandi
un galiyon may bazaaron may
abid pe qayamat kya guzri
pathar dil un bedardo ka
bazaar sajana yaad raha
as-sham as-sham...

jab yaad wo manzar aata tha
sajjad ka dil khoon rota tha
aankhon se lahoo barsaata tha
ek dard jigar may hota tha
bemaar tadapta tha kehkar
ghurbat ka zamana yaad raha
as-sham as-sham...

naizo pe shaheedo ke sar thay
aur ahle haram be chadar thay
lachaar haram bazaaron may
bas ahle sitam ki jad par thay
pardes may khoon rokar mujhko
ye zakhm uthana yaad raha
as-sham as-sham...

hai ahle sham tamashayi
hum par pathar barsatay thay
bazaaron se darbaron tak
hum sar ko jhuka kar jaate thay
ghairat ki sabab un raahon may
sar apna jhukana yaad raha
as-sham as-sham...

khaati thi tamachay zaalim ke
masoom sakina raahon may
dil ab bhi laraz jaata hai mera
wo dard tha uski aankhon may
meri mazloom sakina ka
ghazi ko bulaana yaad raha
as-sham as-sham...

shabbir ki khwahar ko zaalim
baaghi ki behan jab kehte thay
dil khoon ke aansoo rota tha
jis waqt ye taane sehte thay
wo meri phupi ka is gham se
ashkon ka bahana yaad raha
as-sham as-sham...

abbas ki khwahar be-chadar
ye baat to khoon rulaati thi
zainab ke khulay sar par jab bhi
ghazi ki nazar pad jaati thi
naize ki ani se ghazi ka
sar khaak pe aana yaad raha
as-sham as-sham...

sajjad ka ye noha likh kar
dil ronay laga mera safdar
namoose nabi bazaaron se
kis tarha gayi hogi rokar
jis gham se zakhm abid ko sada
sar apna jhukana yaad raha
as-sham as-sham...
Noha - As-Sham As-Sham
Shayar: Safdar
Nohaqan: Safdar Abbas
Download Mp3
Listen Online