ay ali asghar
maqtal may baithi khaak par nauha-kuna hai maa
asghar ho tum kahan

jhoola jala to jal gaye armaan bhi mere
mai jee rahi thi ek hi hasrat liye huwe
dulha tumhay banaungi jab hogay tum jawan
asghar ho tum kahan

bikhre huwe ye chand sitare zameen pe hai
zindan hi hai koi magar sab yahin pe hai
ek teri laash hi nahi laashon ke darmiyan
asghar ho tum kahan

do char din bhi zinda nahi reh sakungi mai
kitna teri ghareebi pe matam karoongi mai
ay laal mere haathon ki khulwade rassiyan
asghar ho tum kahan

maqtal se khaafile ko guzaara gaya tha jab
pyaron ko apne dete thay rokar sadayein sab
ye kehte kehte bandh gayi bano ki hichkiya
asghar ho tum kahan

majlis wahin pe mir takallum bapa hui
maa turbate sagheer par kehti thi jis ghadi
jaata hai suye shaam ab lutkar ye kaarwan
asghar ho tum kahan
Noha - Ay Ali Asghar
Shayar: Mir Takallum
Nohaqan: Mir Hassan Mir
Download Mp3
Listen Online