ماں ڈھونڈ رہی ہے کب سے اصغر آ جائو آجائو
چھایا ہے ہرسمت اندھیرا دلبر آجائو
ماں ڈھونڈرہی ۔۔۔

تم سے بچھڑکر دلبر میرے
تڑپوں گی میںشام سویرے
کیسے جائے گی ماں بن تیرے
آجائو آجائو اصغرآجائو
ماں ڈھونڈ رہی ۔۔۔

بھوکا عالم گور اندھیرا
سُونے جنگل میں ہے بسیرا
گُھٹتا ہے دم خوف سے میرا
پھیلے ہیں ہر سمت ستمگر آجائو
ماں ڈھونڈ رہی ۔۔۔

خشک گلا ہو گا میرے جانی
آئو پلا لائوں تمہیں پانی
کچھ تو پتہ دو کچھ تو نشانی
کھاتی ہوں میں ٹھوکریں د ر در
ماں ڈھونڈ رہی ۔۔۔

آجا میرے راج دُلارے
آ میری آنکھوں کے تارے
دُکھیا ماں رو رو کے پُکارے
کیسے جیوں گی تم سے بچھڑ کر آجائو
ماں ڈھونڈ رہی ۔۔۔

جب سے سُنا ہے فکر سوا ہے
ننھے گلے میں تیرِ جفا ہے
دل کو اک دھڑکا سا لگا ہے
چلتا ہے دل پہ میرے خنجر آجائو
ماں ڈھونڈ رہی ۔۔۔

ڈھونڈ رہی ہوں کب سے رو رو
چین سے مقتل میں سوتے ہو
ترسو گے ماں کی صورت کو
جاتی ہوں میں شام کُھلے سر آجائو
ماں ڈھونڈ رہی ۔۔۔


maa dhoond rahi hai kabse asghar aajao aajao
chaaya hai har simt andhera dilbar aajao
maa dhoond rahi....

tumse bichad kar dilbar mere
tadpoongi mai shaam savere
kaise jiyegi maa bin tere
aajao aajao asghar aajao
maa dhoond rahi....

bhuka aalam gor andhera
soone jangal may hai basera
ghut-ta hai dam khauf se mera
phaile hai har simt sitamgar aajao
maa dhoond rahi....

khushk gala hoga mere jaani
aao pila laaun tumhe pani
kuch to pata do kuch to nishani
khaati hoo mai thokare dar dar aajao
maa dhoond rahi....

aaja mere raaj dulare
aa meri aankhon ke taare
dukhiya maa ro ro ke pukare
kaise jiyungi tumse bichad kar aajao
maa dhoond rahi....

jabse suna hai fikr sive hai
nanhe galay may teere jafa hai
dil ko ek dhadka sa laga hai
chalta hai dil par mere khanjar aajao
maa dhoond rahi....

dhoondh rahi hoo kabse ro ro
chain se maqtal may sotay ho
tarsogay maa ke soorat ko
jaati hoo mai shaam khule sar aajao
maa dhoond rahi....
Noha - Asghar Aajao

Nohaqan: Sachey Bhai
Download Mp3
Listen Online