allah ki riza hai mohabbat hussain ki
poocho rasool-e-paak se azmat hussain ki

tareeq hai gawah ke kufre yazeed se
islam ko bachagayi daulat hussain ki
allah ki riza hai....

darya kinare laashaye abbas dekh kar
ahle aza na poochiye haalat hussain ki
allah ki riza hai....

ran se jawan bete ka laasha uthate hai
sab se badi yehi hai musibat hussain ki
allah ki riza hai....

dam toot-ta tha uska jo aankhon ka noor tha
jaati na ran may kaise basarat hussain ki
allah ki riza hai....

beti ali ki peet ke sar apna rehgayi
dashte bala may dekh ke haalat hussain ki
allah ki riza hai....

ubhrengay har zamane may kuch waqt ke yazeed
har daur ko rahegi zaroorat hussain ki
allah ki riza hai....

har majlise hussain may aati hai fatema
jabse hui hai ran may shahadat hussain ki
allah ki riza hai....

mehshar ka khuaf unko hai humko nahi ghulam
humko naseeb hogi shifa-at hussain ki
allah ki riza hai....
Noha - Allah Ki Riza Hai
Shayar: Ghulam Abbas
Nohaqan: Mir Bober Ali
Download Mp3
Listen Online