abbas e alamdar wafaon ka khuda hai
hyder ki tamanna hai to zehra ki dua hai
islam ki sheh-rag may hai khoon e dile shabbir
saanson may rawan parcham e ghazi ki hawa hai
alamdare lashkare hussain
naam abbas hai zehra ki tamanna mai hoo
sher e khaaliq ki duaon ka nateeja mai hoo
hashmi khoon ki jurrat ka asasa mai hoo
pyas pani ki bujhe jisse wo darya mai hoo
mai hoo ghairat ka khuda
mai hoo zehra ki dua
mai alamdar e wafa
mai hoo zainab ki rida
saaniye shere khuda hoo mai
alamdar hoo mai
alamdare lashkare...
fatema zehra ki dukhtar ne mujhe maanga hai
sayyeda binte payambar ne mujhe maanga hai
karbala ke liye sarwar ne mujhe maanga hai
rab se har sajde may hyder ne mujhe maanga hai
mai hoo khaliq ki ata
mai ali ki hoo dua
mai alamdar e wafa
mai sakina ka chacha
apni taqleeq may allah ka shah-kaar hoo mai
alamdare lashkare...
apne khadmo may zamane ko jhuka sakta hoo
karbala may tumhe khyber mai dikha sakta hoo
apne naize ko mai talwaar bana sakta hoo
sab ko ek waar may dunya se mita sakta hoo
mai bhi hoo sher e khuda
hashr kardoonga bapa
mai alamdar e wafa
maut ki dar se ghata
tum pukaroge khud hydere karaar hoo mai
alamdare lashkare...
kisme jurrat hai ke roke mera rasta koi
aaj tak saamne mere nahi tehra koi
hoga fin-naar agar saamne aaya koi
aa nahi sakta khareeb e shahe waala koi
mai bhi hoo sher e khuda
quwwate shahe huda
mai alamdar e wafa
sab ko kardoonga fanaah
kufr ki raah may ek aahni dewaar hoo mai
alamdare lashkare...
mai mita sakta hoo ek lamhe may tum sab ka nishan
hashmi khoon hai kya tum pe ye kardoonga ayan
hukm doo mai to abhi nehr khud aajaye yahan
izn shabbir agar de to ulat jaaye jahan
mai hoo marziye khuda
la fata ki hoo dua
mai alamdar e wafa
mere khadmon may jahan
apne maula ki razaon ka talabgaar hoo mai
alamdare lashkare...
ay sakina tera gham zainab e dilgeer ka gham
maa ka gham behno ka gham asghare baysheer ka gham
chadar e zehra ka gham chadar e tatheer ka gham
khoon rulaata hai mujhe hazrate shabbir ka gham
al atash ki ye sada
mashq ka qalb chida
mai alamdar e wafa
aankh may teer e jafa
hai ye zanjeer e alam jisme giraftaar hoo mai
alamdare lashkare...
haye sakina ye tera rona rulaata hai mujhe
pyas may tera tadapna ye satata hai mujhe
jung karne se mere maula ne roka hai mujhe
hukme shabbir ki zanjeer ne baandha hai mujhe
mai bhi dikhlaata vigha
karta dushman ko fanaa
mai alamdar e wafa
tujhpe hoti na jafa
ay sakina bada majboor hoo lachaar hoo mai
alamdare lashkare...
hai yehi noor ali hazrate ghazi ki sada
shah ke gham may bichate hai jo farshe aza
noha o majlis o matam may jo rehte hai sada
dil may abaad jo rakhte hai ghame karbobala
qalbe wo gham ki ziya
baabe haajat ho ata
mai alamdar e wafa
mai bhi hoo unka kusha
aise sab logon ka har gaam may madadgaar hoo mai
alamdare lashkare...
|
|
