bhoolo na momino kabhi sarwar ki pyas ko
akbar ki pyas ko ali asghar ki pyas ko

ta hashr kyun na saaton samandar kare salam
shabbir inbe saaqiye ki pyas ko
akbar ki pyas ko....

karlene yaad jab koi pani kare talab
hamshakle mustufa ali akbar ke pyas ko
akbar ki pyas ko....

wo sabr tha ke pyas ka shikwa nahi kiya
laakhon salam zainabe muztar ki pyas ko
akbar ki pyas ko....

har mausame aza may sabeelay saja ke hum
karte rahengay yaad bahattar ki pyas ko
akbar ki pyas ko....

aelaan kar rahi thi ye inme zabane khushk
aankhoon se dekhlo ali asghar ki pyas ko
akbar ki pyas ko....

seene may tere dil nahi patthar hai hurmala
kyon teer se bujhata hai asghar ki pyas ko
akbar ki pyas ko....

chalees saal sayyade sajjad karke yaad
aansu bahate rehte thay sarwar ki pyas ko
akbar ki pyas ko....

aayein nazar jo mashko alam tumko ek saath
karlena yaad dukhtare sarwar ki pyas ko
akbar ki pyas ko....

aur-on ka zikr kya hai jigar thaam kar ghulam
khanjar se pooch shimr ke sarwar ki pyas ko
akbar ki pyas ko....
Noha - Akbar Ki Pyas Ko
Shayar: Ghulam Abbas
Nohaqan: Mir Bober Ali
Download Mp3
Listen Online