jab sham e ghariban may yaad e padar aayi
ghabrake sakina sar e maqtal chali aayi
daaman tha jala aur labon par tha ye noha
ay baba hussaina aina aina ay baba hussaina
roti hai sakina pyasi hai sakina aina aina ay baba hussaina
hai aap jahan baba mujhko bhi bula-lije
ek baar mujhe apne seene pe sula-lije
bin aap ke dunya may bekaar hai ye jeena
aina aina ay baba hussaina...
roti hai sakina pyasi hai...
hai kaan mere zakhmi aur khoon bhi hai jaari
qaimon ki rida'on ki karti hoo azadari
kuch dayr sukoon paa'on mil jao aagar baba
aina aina ay baba hussaina...
roti hai sakina pyasi hai...
kis samt tumhein dhoondoo maqtal may bhatakti hoo
baba ki samajh kar mai har laash pe girti hoo
imdaad karo meri batlao mujhe rasta
aina aina ay baba hussaina...
roti hai sakina pyasi hai...
kuch dayr lipat kar mai bas aap ke laashe se
wo dard suna'ungi baad aap ke jo paaye
har baat bataun mai mil jaye agar laasha
aina aina ay baba hussaina...
roti hai sakina pyasi hai...
is dasht may roti hoo sab chahne waalon ko
har samt andhera hai tarsi hoo ujaalon ko
baad aap ke ay baba tareek hai ye dunya
aina aina ay baba hussaina...
roti hai sakina pyasi hai...
shabbir ke nauhe se phir goonj utha sehra
ho tere masayab par qurban tera baba
ek teer laga dil par sunkar ye tera girya
aina aina ay baba hussaina...
roti hai sakina pyasi hai...
irfan bhi rota hai is baat pe mazhar bhi
roti thi sakina bhi aur laashaye sarwar bhi
awaaz e padar sunkar us samt chali dukhiya
aina aina ay baba hussaina...
roti hai sakina pyasi hai...
|
|
