khafila dashte bala se jo suye sham chala
laashe abbas e alamdar pe zainab ne kaha
abbas abbas
chin gayi sar se rida koi baakhi na raha
abbas tere jaane ke baad

taane deta hai mujhe dekh ke yun shimr e layeen
teri awaaz pe abbas tera aata nahi
bangayi farshe aza tere liye ab ye zameen
sham jaana hi pada ye sitam mujhpe hua
abbas tere jaane...

roke kulsoom teri yaad may karti hai buka
teri haibat se kabhi siye nahi ahle jafa
kaisi badli ye tere baad zamane ki hawa
khush huwe ahle sitam so nahi paaye jo hum
abbas tere jaane...

raah may aale payambar ka dilasa mai bani
sham ke log tamashayi tamasha mai bani
zakhm sadaat ne paaye to maseeha mai bani
mai hi salaar bani mai alamdar bani
abbas tere jaane...

haye darbar may aale nabi aa pahunchi
aur sakina ko kaneezi may bulaata hai shaki
kissay faryad karoo tu bhi bata mere aqi
aur kya hoga sitam kitne lachaar hai hum
abbas tere jaane...

naam lekar jo sitamgar ne bulaya mujhko
amma fizza ne pasay pusht chupaya mujhko
yun bhi pardes may aada ne sataya mujhko
aise aalam may bhala kisko mai deti sada
abbas tere jaane...

hind zindan may aayi to ye kohraam utha
meri barbadi ka jab hind ne ehwaal suna
apna sar peet ke wo karne lagi wavaila
dekh kaisa hai sitam qaid hai ahle haram
abbas tere jaane...

tauq o zanjeer se sajjad jo azaad huwe
qabr pe bali sakina ke gay rote huwe
rukh suwe karbobala karke yehi bain kiye
seh nahi payi sitam dukhtare shahe umam
abbas tere jaane...

sham se mazhar o farhan rehaai jo mili
aaye maqtal may salami ke liye sab qaidi
ghutniyo chalti hui bhai ke markhad pe gayi
thay ye zainab ke sukhan margayi kyun na bahan
abbas tere jaane...

.
Noha - Abbas Tere Jaane
Shayar: Mazhar
Nohaqan: Farhan Ali Waris
Download Mp3
Listen Online


zakhmo se choor choor thay mazloome karbala
khanjar sambhale haath may shimr e layeen badha
baithi thi apne laal ke nazdeek sayyeda
ek baar aayi kano may mazloom ki sada
abbas abbas abbas

rukh suwe alqama kiya karne lagi ye bain
abbas utho tumko sada deta hai hussain

sadmo se tishnagi se dilafgaar hai hussain
zakmo se choor choor hai lachaar hai hussain
kitne sitamgaro may giraftaar hai hussain
teri madad ka talabgaar hai hussain
abbas utho...

sab kho chuka hai ban may saharay mera hussain
noha kuna hai dard ke maaray mera hussain
karta hai zer e lab jo ishaare mera hussain
tujhko nahi to kisko pukaare mera hussain
abbas utho...

sheh ke galay pe shimr ne rakhi juhin churi
wo dekh qaimagaah se zainab nikal padi
aankhein meri hussain ki ashkon se hai bhari
chin jaye na behan ki rida fiqr hai badi
abbas utho...

tanha sitamgaro ne isay ghayr liya hai
jee jaisa jiska chaah sitam usne kiya hai
teero se patharon se isay zakhmi kiya hai
ab jaanibe hussain sitamgaar badha hai
abbas utho...

tere supurd karke gaye thay jisay ali
kya yaad wo wassiyate aakhir nahi rahi
maqtal hai ye hussain ka aur qatl ki ghadi
sunkar fughaan hussain ki kehne lagay ali
abbas utho...

khanjar sambhale haath may hai shimre bad sitaar
karti hai bayn maut buka karti hai hayaat
ek din may lutgayi mere bache ki kayenaat
dekhe suye qayaam kabhi jaanibe furaat
abbas utho...

is haal may bhi shukre khuda karta hai hussain
khamosh rehke zulm o sitam sehta hai hussain
teri wafa ka tujhko sila deta hai hussain
is bekasi may tumko sada deta hai hussain
abbas utho...

farhaan o mazhar abdi kaisa wo khwaab tha
ashoor ka wo roz tha hum aur karbala
pahunchay paye ziyarate abbas e bawafa
kano may aayi ek sisakti hui sada
abbas utho...


.
Noha - Abbas Utho
Shayar: Mazhar Abdi
Nohaqan: Farhan Ali Waris
Download Mp3
Listen Online