ahle haram ke paasban abbas ay shere jawan
abbas ay...
kehta tha zehra ka pisar thaame huwe tooti kamar
bhai mere tum sogaye ab kaun le meri khabar
dekho meri tanhaiyan abbas ay shere jawan
abbas ay...
tum thay alamdare jari lashkar ki tumse shaan thi
waakif thay tum is baat se tumse hai meri zindagi
koi nahi mera yahan abbas ay shere jawan
abbas ay...
shane tumhare kat gaye ghoday se tum kaise giray
sar par laga gurze sitam tum kis khadar zakhmi huwe
saare badan se khoon rawan abbas ay shere jawan
abbas ay...
har gaam par thay humsafar har lamha thay seena sipar
ay tashnalab bhai mere chora mujhe kis mod par
har simt hai veeraniyan abbas ay shere jawan
abbas ay...
jis simt jaati hai nazar khanjar hai aur teer o tabar
abbas kuch hi dayr may kat jayega mera bhi sar
ab hai hamara imtehan abbas ay shere jawan
abbas ay...
tumse tha har dil ko bharam thay mutmain ahle haram
ek tum juda kya hogaye sojayegi fauje sitam
jaagengi saari bibiyan abbas ay shere jawan
abbas ay...
ye hai sakina ki fughan aajao ammu ho kahan
kaise usay samjhaun mai usay karoo kya ka bayan
mar jayegi wo neem jaan abbas ay shere jawan
abbas ay...
mashke sakina chid gayi hasrat thi tujhko jang ki
koi bhi teri aarzoo bhai na poori ho saki
bechain teri hichkiyan abbas ay shere jawan
abbas ay...
ay mere bhai ba-wafa allah ne tay kar liya
tere waseele se agar jo bhi kare dil se dua
bhar dega unki jholiyan abbas ay shere jawan
abbas ay...
sheh ne kaha mere jari dil ki tadap hai ab yehi
maula kaha aaqa kaha ek baar kehdo bas aqi
dekho meri bechainyan abbas ay shere jawan
abbas ay...
abbas ne bhai kaha bhai se bhai chut gaya
matam rasheed ab hota hai pyase jari abbas ka
giryan kuna hai bibiyan abbas ay shere jawan
abbas ay...
|
|
