baazu e shahe karbobala hazrate abbas
saqqa e haram sher e wigha hazrate abbas
abbas abbas haye abbas haye abbas
shabbir ki ita'at thi faqat unki shariyat
mashoor zamane may hai maula ki shuja'at
paayi asadullah ki kul tumne virasat
baatil ke liye misle qaza hazrate abbas
abbas abbas...
gar hukm mile karde abhi shaam ko tashkeer
abbas ke kabze may ali ki jo hai shamsheer
bas muntazir hai izn jo de hazrate shabbir
de wada khilaafi ki saza hazrate abbas
abbas abbas...
shabbir ke lashkar ke alamdar hai abbas
kehta hai alam hyder e karrar hai abbas
baatil ke liye aahini dewaar hai abbas
islam ke parcham ki baqa hazrate abbas
abbas abbas...
farmate thay shabbir ho tum zeenate lashkar
qayam hai tere dam se meri shaukat e lashkar
ek aah ki farmaya ke ye qismate lashkar
hai kaun jo lashkar may ruka hazrate abbas
abbas abbas...
paate hi riza maula se lene chale pani
darya ko chala tab asadullah ka jaani
thay nehr pe qabza kiye wo zulm ke baani
kab daud padi fauje jafa hazrate abbas
abbas abbas...
ashoor ko jab maara gaya shah ka lashkar
aur pyas se bache nazar aane lage muztar
dekha na gaya ghazi se wo karb ka manzar
sarwar se chale leene riza hazrate abbas
abbas abbas...
mashkeeze may tab pani ko bharne lage maula
ghode se kaha tu hai kayi roz se pyasa
rehwaar ye bola ke nahi mujhko ye zeba
phir aab ko chullu may liya hazrate abbas
abbas abbas...
mashkeeza liye qaime ke jaanib chale hazrat
teer aate thay padne lagi talwaro ki zarbat
mashkeeze pe jab teer laga ghut gayi taaqat
shabbir ko dete thay sada hazrate abbas
abbas abbas...
ya rab na kisi bhai ko manzar ye dikhaye
jis tarha kamar pakde wahan shah thay aaye
abbas se farmate thay mai kya karoo haye
kyun hote ho tum hum se juda hazrate abbas
abbas abbas...
qaime may hussain aaye liye ghazi ka parcham
qaimo may haram ke tha bapa ghazi ka matam
thay bain sakina ke labon par yehi payham
kyun sogaye darya pe chacha hazrate abbas
abbas abbas...
ye bain thay zainab ke suno mere dilawar
tanha hai hussain aur udhar laakhon ka lashkar
ba-daz shahe deen hoyega barpa yahan mehshar
cheenenge layeen meri rida hazrate abbas
abbas abbas...
aijaz qalam rok lo mehshar ka sama hai
ghazi ke alam may ye buka shor o fughan hai
aaqif yahan matam may har ek peer o jawan hai
hai sab ke labon ki ye sada hazrate abbas
abbas abbas...
|
|
