zahra ka hai baba, hasnain ka nana
aansu zehra ki yateemi pe bahao logon
aao taboot mohamad ka uthao logon
haye rasoolallah
aao taboot mohamad ka uthao logon
saari dunya ko wafadari sikhao logon
aao taboot mohamad ka...


jis aqeedat se bapa karte ho meelad e nabi
farsh e gham waise mohamad ka bichao logon
aao taboot mohamad ka...

ye saff e gham hai mohamad ki yahan farq nahi
ha isi saff pe zamane ko bulao logon
aao taboot mohamad ka...

ghar may hai fatema zehra ke andhera chaaya
aaj ki raat charagon ko bujhao logon
aao taboot mohamad ka...

kha ke pathar bhi jo ummat ko dua dete rahe
aise mohsin ka na ehsaan bhulao logon
aao taboot mohamad ka...

apne gham bhool ke deti hai khadija ye sada
aansu zehra ki yateemi pe bahao logon
aao taboot mohamad ka...

gham may mazloom ke rona hai nabi ki sunnat
ye haqeeqat na zamane se chupao logon
aao taboot mohamad ka...

kyun ho khamosh baqiyya ke ujad jaane par
apne sarkar ko aise na rulao logon
aao taboot mohamad ka...

apne baba ki judaai may jo chup kar royi
dil usi fatema zehra ka badhao logon
aao taboot mohamad ka...

baad baba ke jise haq na mila dunya se
uske haq ke liye aawaz uthao logon
aao taboot mohamad ka...

sabz gumbad se takallum ye sada aati hai
qabr e zehra pe koi saaya banao logon
aao taboot mohamad ka...
Noha - Aao Taboot Mohamad
Shayar: Mir Takallum
Nohaqan: Shahid Baltistani
Download Mp3
Listen Online