aakhri lori mai deti hoo suno ay asghar
sochke dil ye mera phatne laga hai asghar

kal har ek mard e shuja jayega maidan ladne
tum bhi dada ki shuja-at ko dikhana asghar
aakhri lori mai....

baad tere mai bhala kaise jiyungi bolo
ghutke mar jaungi pani jo milega asghar
aakhri lori mai....

haye phoolon se bhi nazuk hai badan tera magar
zakhm gardan ke bhala kaise sahoge asghar
aakhri lori mai....

kal mere bete sitamgar ko rulaana ran may
apne honton ki hasi taygh banana asghar
aakhri lori mai....

nanhe nanhe se ye do haathon ko phailao zara
aake godi may mere seene se lag ja asghar
aakhri lori mai....

pyas se tu bhi pareshan hai mujhko hai khabar
par bhala kaise teri pyas bujhaun asghar
aakhri lori mai....

haye yasir ye tasavvur jo kiya azam ne
ek maadar ki tarha usko rulaaya asghar
aakhri lori mai....
Noha - Aakhri Lori Mai Deti

Shayar: Syed Azam Hussain
Nohaqan:  Syed Yaser Abbas
(Anjumane Dare Hussain)
Download Mp3
Listen Online