khuda hafiz sakina

baba jao ye beti jo tumhe pyari hai
aaj ki raat sakina pe bahot bhari hai

aabile dilkhte hai hoti hai chuban khaaron ki
badti jaati hai aziyat mere ruqsaron ki
ye hi haalat ba-khuda hoti hai bemaaron ki
aisa lagta hai ke marne ki ye tayyari hai
aaj ki raat sakina pe...

apni jaan par jo bulati hai ye zindan ki zameen
ye kahin aap se milne ka ishara to nahi
jald aajayein na ho jaye bas ab dayr kahin
aap ke seene pe sone ki meri baari hai
aaj ki raat sakina pe...

itna saabir hai mera bhai ke har dukh seh ke
khoon ke aansu ba-har haal tehar jaate thay
haan magar maanga jab se kaneezi may mujhe
bhai sajjad ki aankhon se lahoo jaari hai
aaj ki raat sakina pe...

shimr ke durron ne kar di hai kamar meri nidhaal
mere baalon ki safedi se ayan hai mera haal
ab mujhe dekh ke karte hai sabhi log sawaal
zard chehra hai kya is bachi ko bemaari hai
aaj ki raat sakina pe...

pyar hai beti se kitna ye batana hoga
saath may saare shaheedon ko bhi laana hoga
pehla pursa mera lene tumhein aana hoga
aaj zindan may sakina ki azadari hai
aaj ki raat sakina pe...

sochti hoo ke kafan kaise mera laayenge
kis tarha laash ko bhaiya meri dafnayenge
qaidi haathon se mujhe kaise utha paayenge
kaisi ye maalik o mukhtar ki lachaari hai
aaj ki raat sakina pe...

khaak par thak ke baithi to tamache khaaye
haaye abbas pukari to tamache khaaye
aap ke naam pe royi to tamache khaaye
mere ruqsaron pe tafseel likhi saari hai
aaj ki raat sakina pe...

baap ko beti sada deke ye boli akbar
kar diye baazu nisar apne chacha ne mujh par
uthega unka alam mashk e sakina lekar
wo wafa unki thi ye meri wafadari hai
aaj ki raat sakina pe...
Noha - Aaj Ki Raat Sakina
Shayar: Hasnain Akbar
Nohaqan: Mir Hassan Mir
Download Mp3
Listen Online