damishk ka hai safar be-rida hai aale nabi
na mehmile na kajawa hai na haudaj hai koi
aseer sab thay magar ek hi rasan may bandhe
gala sakina ka hai shane haram ke jakde huve
rasan jo khichti hai karti hai sakina naale
tehro aahista chalo
aahista chalo phupi amma
rassi se gala dukhta hai mera
hai amma gala is tarha jakda hai rasan may
do gaam bhi chalne ki nahi jaan badan may
khulwado rasan kardo ye ehsaan
rassi se gala...
aahista chalo...
kis shaan se nikli thi sawari mere ghar se
ammu mujhe khud laaye thay mehmil may bitha ke
ek ye hai safar haye phupi jaan
rassi se gala...
aahista chalo...
ye dekh ke rote hai mere baba sina par
rone pe mujhe durre lagata hai sitamgar
rote hai isi ran may chacha jaan
rassi se gala...
aahista chalo...
kya din hai mere naaz uthata nahi koi
amma meri saanso ka bharosa nahi koi
chehre se aziyat hai numayan
rassi se gala...
aahista chalo...
mai aapke zakhmo se bhi waaqif hoo phupi jaan
kuch waade nibhane hai mujhe bar sare zindan
bas kehti hoo mai ba haale pareshan
rassi se gala...
aahista chalo...
mar jayegi mar jayegi is raah may muztar
dada ko sada deti hoo har gaam tadapkar
ya shahe najaf sayyed e zeeshan
rassi se gala...
aahista chalo...
ay amma kaleje may ulajhne lagi saansein
ab aur safar karne ki taaqat nahi mujh may
ja paungi kya jaanibe zindan
rassi se gala...
aahista chalo...
ay mazhar o irfan sakina ki fughan par
zainab ne kaha mai bhi tadap jaati hoo dukhtar
jab kehti hai tu mujhse meri jaan
rassi se gala...
aahista chalo...
|
|
